Nahi ruki dhadkan tere jaane se...

Nahi ruki dhadkan tere jaane se,

Sunapan bhi ho raha khatam ahista ahista.

Aaa raha main teri deewanagi se bahar
Accha lagne laga hai suna ab rasta.

Jaise koi surang se bahar nikal aaya ab,
Roshni sambhali nahi jaati, andhera thoda baki hai abhi.

Sambhalna seekh raha hoon thoda thoda khud ko,

Jab tuu tha iski kabhi zarurat na thi.

Sab kuch dafn nahi kar raha main lekin,
Tere mere safar me kuch mera bhi tha.
Apni yaadon ko rakh raha hoon kahin,
Mera hissa woh aur unka ab asar nahi hota.

Agar fikr nahi tujhe toh main kyu peeche rahoon,
Hai meri bhi zindagi jisse mujhe hai bohot pyaar,

Asaan hai jeena abhi thoda sa,
Kisi ko dikhane ke liye nahi hona hai taiyaar.

Do raaste hue the alag zaroor,
Nuksaan toh tera hua hai.
Pyaar badnaam hai tum jaison ki wajah se,
Kahin tumhe tum jaisa koi na mil jaaye.