Tuu nadaan hi sahi....

Suna tha na jaane kitno se

Ki khushnaseeb hoon main tere mera hone se.

Pal woh the haseen
Tha jo tumpe yakeen.
Lekin ab toh khud aayina dekhne ke kaabil
nahi raha main.

Yaadon ko apne andar simte hue hoon,
teri awaaz baar baar sunta rahoon.
teri tasveer zinda jaise mujhe dekhe,
Par kya karun main in sab ko leke.
Tere hone ka ehsaas
Na jaane kahan gum ho gaya.

In aankhon ko tera intezaar aaj bhi hai,
Thoda sa aitbaar tumpe aaj bhi hai.
ki tuu aaye aur pooche mujhe
ki tum hote kaun ho mujhse judaa hone waale.
Koi maanega nahi shayad inn baton ko,
mujhe matlab sirf tumse hai.

Kabhi meri ruh ke andar ke khaalipan ko mehsoos kar zara,
Kabhi apne dil se pooch aur dimaag ko bataa.
Pyaar tumne bhi kabhi kiya tha mujhse,
Aur kitna jhoot bologi khud se?
Jab tak hai saansein tera intezaar rahega,
tuu nadaan hi sahi tumse pyaar humesha rahega…