Dil ke alfaaz..

Kabhi kisi ki baaton me

Ek kissa mera bhi tha,

Kabhi kisi ki hasi se

Ek rishta mera bhi tha.

Waqt nahi rukta kabhi

Chaha tha us pal tham jaaye abhi.

Tha dar shayad isi baat ka,

Woh jo hua, hona chahiye tha nahi.

Har baar har baat karta batane ka use,

Lekin zuban ki padti thi nahi zarurat.

Aisa tha humara rishta kuch,

Lafzon ki thi nahi aadat.

Mannat maangi thi zarur maine,

Lekin uspe aitbaar bhi tha,

Jaane se uske sab bikhar gaya lekin,

Dard kuch toh usse bhi hua hoga.

Duniya me koi cheez toote toh,

Doosri zarur mil jaati hai,

Kaash mil jaata aur ek dil,

Jo is dil ki har dhadkan uski yaad dilati hai.

Har ek cheez jaise judi hai unse,

Har ek rah ki manzil sirf wahi.

Kho gaya hai raasta ab apna,

Fir bhi chal rahi hai saanse.

Jo tha, jab tha jaise ek sapna lagta tha,

Aur ab apni aankh khuli.

Soo jata humesha ke liye main toh,

Agar sapnon me hi woh mil jaati mujhe.

Aaaya jaise koi baadal bura sa,

Aur main khud ko sambhal bhi nahi paaya,

Bikhre sapno ke kaafile ke tale,

Chod gaya apna saaya.

Yaadon ke sahare har koi nahi jee pata,

Maine toh har pal use chaha, usse jiya.

Bina anjaam soche chali gayi who,

Jaate jaate meri chahat ka accha sila diya.

Koi kisi se kabhi aise judaa na ho,

Kabhi kisi ko acchayi ke liye aisi saza na mile,

Agar aage saath chodna hi agar usko,

Toh woh kabhi saat hi na chale.

Kehte sab hai waise toh,
 Kisi ke aane jaane se dhadkan thodi band ho jaati hai,

Ruk jaata hai bas waqt dil tootne se pehle,

Aur uski kahi sab baate yaad aati hai.

Bohot chaha tha usse, ab firse nahi hoga ye sab,

Dil ne bohot zakham kha liye aaj tak,

Isse aur takleef nahi doonga ab.

Sawaal hai kayin poochne ke liye,

Lekin jawabon se ab koi matlab hai hi nahi.

Koi chala jaata hai zindagi se kabhi,

Wapis aaya toh pehle jaisa hota nahi.

Agar saans lene ko jeena kehte hai,

Toh le raha hoon main.

Woh ek pyaara sa hissa mera,

Kho gaya hai uske jaane se..